2023 жылдың 20 желтоқсанындағы шетелде кадр дайындау жөніндегі Республикалық комиссия шешімі бойынша «500 ғалым» жобасы аясында Махамбет Өтемісов атындағы Батыс Қазақстан университеті Жаратылыстану-география факультетінің қауымдастырылған профессоры, биология ғылымдарының кандидаты Утаубаева Алма Уахитқызы АҚШ-тың Лос-Анджелес қаласындағы Оңтүстік Калифорния университетінде ғылыми тағылымдамадан өтеді. Комиссия шешімімен 481 қазақстандық ғылыми тағылымдама бойынша грант алған болатын. Алма Уахитқызы, «Білім берудегі менеджмент» мамандығы бойынша «білім саласындағы зерттеулер» бағытында тағылымдамадан 1 жыл бойы зерттеулер жүргізетін болады. Сәттілік тілейміз!
