Құрметті білім алушылар!
2022 жылға арналған Қазақстан Республикасы Президенті атындағы шәкіртақы жоғары оқу орындары арасында бөлу бекітілді. М.Өтемісов атындағы БҚУ студенттері үшін 20 шәкіртақы бөлінді.
Президенттік шәкіртақы үміткерлері оқудың жоғары нәтижелеріне қол жеткізген күндізгі оқу нысанындағы жоғары (3-4,5 курс) курс студенттері, яғни GPA 3,6-4,0, «А-» және «А» бағаларының әріптік баламалары бар оқу үздіктері бола алады. Сондай-ақ ғылыми-зерттеу, қоғамдық және спорттық-мәдени қызметте айтарлықтай жетістіктерге қол жеткізген болу шарт.
Президенттік шәкіртақы үміткерлер іріктеу комиссиясына мынадай құжаттарды ұсынады: мінездемелер, транскрипт, атаулы дипломдардың, грамоталардың, алғыс хаттардың, ғылыми-зерттеу жұмысының нәтижелерін және университеттің қоғамдық және спорттық өміріне қатысуды растайтын сертификаттардың көшірмелері, факультет кеңесі отырыстарының хаттамаларынан көшірме.
Құжаттарды тапсыру мерзімі 2022 жылдың 16 мамырына дейін.
