2023 жылдың 8 қарашасы күні М.Өтемісов атындағы Батыс Қазақстан университетінде, Жаратылыстану-география факультетінде халықаралық қатысумен «Жаратылыстану ғылымының өзекті мәселелері және олардың даму перспективалары» атты дөңгелек үстел өтті. Дөңгелек үстелге факультет ғалымдары, Орал қаласындағы Назарбаев Зияткерлік мектебінің мұғалімдері, облыстық биологиялық-экологиялық орталықтың мамандары, «Балық шаруашылығы ғылыми-өндірістік орталығы» ЖШС Батыс Қазақстан филиалының ғылыми қызметкерлері, сонымен қатар Польшадан келген шетелдік ғалым ретінде Быдгощ қаласы, Ұлы Казимир университеті профессоры Кристиан Оболевски, сонымен қатар жаратылыстану ғылымдары бойынша оқитын магистранттар мен студенттер қатынасты. Дөңгелек үстелде баяндамасымен Назарбаев Зияткерлік мектебінің мұғалімі Olwasegen Shona, облыстық биологиялық-экологиялық орталық меңгерушісі Ф.К. Каумбаева, б.ғ.д., профессор Т.Е. Дарбаева, х.ғ.д., профессор Д.К. Мендалиева, г,ғ.к. С.К. Рамазанов және басқада факультет ғалымдары мен жас ғалымдар қатысты.
