17.10.2021 жылы БҚО экологиялық-географиялық қоғамының ұйымдастыруымен өткізілген «Болашақ орманға тұқым жинау және сақтау» акциясына факультетіміздің «Ботаника» үйірмесі мүшелері қатысты. Акция өте жоғары деңгейде өтті. Бірлескен жұмыс жас ұрпаққа жауапкершілікті үйренуге мүмкіндік береді, орындалған жұмыстан студенттерге қуанышты көңіл -күй қалыптастырады, еңбек дағдыларының қалыптасуына және студенттер командасының бірігуіне ықпал етеді. Еңбек процесінде экологиялық мәдениет, табиғатқа деген сүйіспеншілік, оны құрметтеу тәрбиеленеді. Сонымен бірген үйірме жетекшісі Ж.С.Кажымуратова қалалық демалыс және мәдениет саябағындағы ағаштар мен өсімдіктер дүниесімен таныстырып, кеппешөп дайындау жолдарын көрсетті.
Студенттеріміз 180 жыл тарихы бар емен ағашының, татар үйеңкісі, жиде, долана, катальпа сынды бұталардың тұқымдарын жинап, сақтауға тапсырылды.
Әрине, таза ауада жұмыс студенттердің денсаулығын сақтауға және нығайтуға ықпал етеді қаламыздың орман қорын сақтау мен ұлғайту әрқайсымыздың ортақ парызымыз! сондықтан осындай тәрбиелік акцияларға бірлесіп қолдайық!
